TV INTERVIEW & DEMONSTRATION
(Cultural Plaza, 8/12/2019)
電視訪問及示範 文化廣場
CURRENT COLORS
浮彩攝影
主持： 大家有冇諗過洗潔精、芥花籽油、酒精甚至過期鮮奶都可以成為充滿美感嘅藝術作品呢？ 究竟呢啲作品係點做嘅呢？咁就要請教攝影師阿Cat啦！
主持：今次你嘅作品叫做「浮彩潮流」同大家介紹吓乜嘢係浮彩？
Cat: 「浮彩」其實係塑膠彩 溝埋唔同液體之後 嘅化學變化， 除左啱啱講過嘅過期鮮奶、油、同洗潔精之外，我仲用過護髮油 同 卸甲水、仲有白膠漿 同埋 矽油（silicon oil) 、連擋風玻璃清潔劑都試過。不過大部份都可以喺廚房 或者厠裡面揾到！
.jpg)
主持: 你係點樣諗到用呢啲嘢嚟做創作？
Cat: 我平時都會用塑膠彩 創作一啲抽像嘅油畫，咁就已經研究左好多化學效果。之後就發覺 最精彩嘅唔單只係 啲已經完成嘅作品，喺過程之中更加會出現完全想像唔到嘅變化。所以就決定 咩都溝吓，然後將 每一個過程 都拍攝成4K片，片段裡面 最鐘意嗰啲畫面 仲可以capture出嚟 做大相。
Rolling Paint Demonstration by Catkaling
Cat: 例如早餐飲鮮奶 就種種奶都試吓冇咩效果，整開沙律又落兩滴橄欖油落去! …咁卸甲水就 真係突登去買，因為覺得油彩溶解嘅過程應該會幾有趣，咁又學下又試下 就掌握咗好多種魔法。
%20with%20name.jpg)
主持: 過程一定好有趣，不如即場示範吓……
Cat: 其中一種我覺得最神奇㗎呢 就係啲顏料會好似植物咁生長！好簡單架，我地先係個碟上面倒一層白色塑膠彩，呢啲就喺混合左酒精嘅塑膠油墨，只要滴兩滴就夠，啲油彩 就識得生長。如果用微距鏡頭拍攝，仲可以睇到 更加細緻嘅葉紋。係咪好似 有生命嘅紫色樹葉呢?
Growing Purple Leaves Demo by Catkaling
主持: 嘩！真係好神奇！仲有冇其他啲效果？
Cat: 仲有一種叫做「彩蛋」，就算唔識畫畫 都可以做到色彩繽紛嘅作品！秘袂就喺將唔同顏色嘅塑膠彩 一層一層 咁倒喺個杯仔度。然後倒落去啲油上面，就會睇到好靚嘅彩蛋。如果想有夢幻啲嘅變化，就可以加啲缷甲水或者酒精。
%20with%20name.jpg)
Cat: 最後一種就係 將油 同 塑膠彩 滴落鮮奶度， 再用棉花棒 將洗潔精 點喺啲顏料上面，就會有幻彩！啲效果千變萬化，次次都有驚喜。
Magical Color Beads Demo by Catkaling
主持：唔講仲以為係電腦特技效果，影呢啲相有咩特別技巧？
Cat: 我自己就揀咗用微距鏡頭嚟拍攝，因為啲細節可以帶我地進入令一個世界。我又試過用一啲特別嘅打燈方法，例如用個簿啲嘅膠碟 嚟裝啲顏料，再由底向上打燈，因為比較暗，可以增加神秘感，又因為啲顏料有厚有薄， 由下向上打燈 會令層次 更加豐富。
主持：拍攝過程中，有冇發生過咩趣事？
Cat: 我好記得有一晚，鮮奶上面出現咗「小伙子漫遊太空」嘅場景，因為好投入，我影到好夜，咁上床訓嘅時候 突然覺得自己 好似飲醉酒咁 喺太空度飄浮。唔知係因為 近距離 聞到啲酒精 定係卸甲水 定係好多唔同清潔劑 溝埋之後嘅效果！所以大家玩「浮彩攝影」嘅時候，就記得 留意吓 係咪有足夠嘅通風。
主持：今日真係大開眼界，多謝晒阿Cat分享咗咁多咁特別嘅作品畀我哋欣賞！